260315 - Consécration DIACRES 2026-2027 

Fanekena fito ny  Diakona sy Loholona

Eto anatrehan’Andriamanitra sy ny Fiangonana, dia manaiky aho fa :

1. Hazoto hivavaka sy hamaky ary hianatra ny Soratra Masina. Hizara sy hampiasa izany koa amin’ny hafa.

2. Ho naman’ny mpitandrina, ka hiara-miasa aminy amin’ny fahazotoana, eo amin’ny fiandrasana ny ondrin’Andriamanitra sy ny fiarovana ny foto-pinoana FPMA toy ny batisa tokana sy ny fanekempahasoavana.

3. Hitandrina tsara ny filaminan’ny fanompoam-pivavahana eo ampiangonana sady hamonjy ny fivoriana rehetra, araka izay farany azoko atao.

4. Hanaja sy handefitra amin’izay hevitra tapaky ny maro, sady hiaro lalandava ny firaisan’ny Fiangonana tsy ho simba.

5. Hanao izay azoko atao amin’ny fandavorarian’ny fiangonana ny adidiny rehetra ara-bola.

6. Hitaiza ny kristiana hanao ho vaindohan-draharaha ny asa iombonana amin’ny synoda sy ny fampielezana ny filazantsara any ivelany.

7. Hitandrina ny ankohonako hazoto amin’ny fanompoana an’Andriamanitra, mba tsy ho ny tenako ihany no ho marika halain’ny fiangonana tahaka, fa izy ireo koa. Ary ny herin’Andriamantra no iankinako hahatanterahako izany rehetra izany.

Faneken’ny Filohan’ny Sampana

Eto anatrehan’Andriamanitra sy ny fiangonana dia manaiky aho fa:

1. Hazoto hivavaka, hamaky sy hianatra ary handalina ny Soratra Masina araka izay tratrin’ny heriko ary hitaona sy hamporisika ny ankohonako ary ireo mpikambana iandraiketako mba hanao toy izany koa.

2. Hitaiza sy hanabe ny mpikambana ao amin’ny Sampana ka ho fitaratra (modely) ho azy ireo na amin’ny fiteny na amin’ny asa, na eo an’ivon’ny fiangonana na any amin’ny fiarahamonina.

3. Hazoto hanatrika fiofanana, lasy sy ireo fivoriana aroson’ny Fiangonana ary hanaja izay hevitra tapaka ka hitaona ny mpikambana iandraiketako hanantanteraka ny fanantotosana izany.

4. Ho mpiombona tanteraka amin’ny Komity eo amin’ny fitantanana ny Fiangonana amin’ny maha-mpitondra tenin’ny Sampana ahy eo anivon’ny Komity ary ny maha-mpitondra tenin’ny Kômity ahy eo anivon’ny Sampana.

5. Hitandro sy hiaro toy ny anakandriamaso ny Firaisan’ny fiangonana ary hanefa sy hitaona ny mpikambana hanatanteraka ny adidy rehetra eo amin’ny Fiangonana.

Ny fahasoavan’Andriamanitra no homba ahy (1Kor.15:10 )